இலங்கை, பாகிஸ்தான், இங்கிலாந்து, நியூசிலாந்து Super 8 வர என்ன நடக்க வேண்டும்? ஒவ்வொரு group களாக ஒரு அலசல்.

Group A 

 இந்திய அணி கிட்டத்தட்ட தகுதி பெறுவது உறுதி என்று வைத்துக்கொண்டால், Group A இல் மற்றைய இடத்தை பிடிக்க பாகிஸ்தான் நிச்சயமாக தங்கள் கடைசி இரண்டு போட்டிகளையும் (கனடா மற்றும் அயர்லாந்துக்கு எதிராக) வெல்ல வேண்டும், மேலும் அமெரிக்கா தங்கள் போட்டிகளை (இந்தியா மற்றும் அயர்லாந்துக்கு எதிராக) தோற்க வேண்டும். அப்படி நடந்தால், பாகிஸ்தான் தகுதி பெறுவதற்கான நல்ல வாய்ப்பு உள்ளது, ஏனெனில் அவர்களின் Net Run Rate - NRR அவ்வளவு மோசமாக இல்லை. ஏனென்றால் அவர்களின் இரண்டு தோல்விகளும் மிக நெருக்கமான போட்டிகளாகவே இருந்தன. ஒன்று tie வேறு...    

 அமெரிக்கா தங்கள் மீதமுள்ள இரண்டு போட்டிகளையும் 18 ரன்களில் தோல்வியடைந்தால், பாகிஸ்தான் தங்கள் கடைசி இரண்டு போட்டிகளையும் வென்று NRR இல் அமெரிக்காவை முந்த வாய்ப்பு உள்ளது. அமெரிக்கா இரண்டு தோல்வியடைந்து பாகிஸ்தான் இரண்டு வென்றால், பாகிஸ்தான் இரண்டாவது இடத்தை பிடிக்கும் வாய்ப்பு அதிகம். ஆனால் இப்போது இருக்கும் form க்கு அமெரிக்கா அயர்லாந்திடம் தோற்குமா? 

மேலும், பாகிஸ்தான் கனடாவை வீழ்த்தி அமெரிக்கா இந்தியாவிடம் தோல்வியடைந்தால், குழுவை தீர்மானிக்கும் இரண்டு முக்கிய போட்டிகளிலும் அயர்லாந்து இடம் பெறும் - அவர்கள் வெள்ளிக்கிழமை அமெரிக்காவையும் ஞாயிறன்று பாகிஸ்தானையும் எதிர்கொள்கின்றனர். அவர்கள் கூட சற்று அதிக ஓட்ட வேறுபாட்டில் இரண்டையும் வென்றால், அவர்களும் நான்கு புள்ளிகளுடன் super 8 போட்டியில் இருக்க முடியும். 

 Group B 

இந்த group இல் Australia ஆதிக்கம் செலுத்த, இங்கிலாந்து பாகிஸ்தான் போன்ற நிலையில் உள்ளது: அவர்கள் தங்கள் கடைசி இரண்டு போட்டிகளையும் வெல்ல வேண்டும், மேலும் ஸ்காட்லாந்து ஜூன் 15 ஆம் தேதி ஆஸ்திரேலியாவுக்கு எதிரான தங்கள் கடைசி போட்டியை தோற்க வேண்டும். இருப்பினும், NRR -1.8 இல் உள்ள இங்கிலாந்துக்கு NRR + 2.164 இல் உள்ள ஸ்காட்லாந்தை முந்துவது கொஞ்சம் சவாலாகத்தான் இருக்கப் போகின்றது. Australia வேறு தம் பரம வைரிகளை பழிவாங்க பல வீரர்களை ஸ்காட்லாந்துடன் ஓய்வாக இருத்திவைக்கப் போகின்றார்கள் என்று வேறு கதை அடிபடுகின்றது. 

ஸ்காட்லாந்து ஆஸ்திரேலியாவிடம் 20 ரன்களில் தோல்வியடைந்து, இங்கிலாந்தும் தங்கள் கடைசி இரண்டு போட்டிகளையும், ஓமான் மற்றும் நமீபியாவுக்கு எதிராக, ரன் ரேட்டில் ஸ்காட்லாந்தை முந்திச் செல்ல குறைந்தது மொத்தமாக 94 ஓட்ட வித்தியாசத்தில் வெல்ல வேண்டும். இதேபோல் முக்கியமாக, இங்கிலாந்து தெளிவான வானிலைக்காக பிரார்த்தனை செய்ய வேண்டும், ஏனெனில் மற்றொரு மழைத் தடை அவர்களை வெளியேற்றிவிடும்.

 Group C

ஆப்கானிஸ்தானுக்கு எதிரான தோல்வி நியூசிலாந்தின் Super 8 கனவுகளை சிதைத்தது. அது சும்மா தோல்வி இல்லை; 84 ரன்கள் மிகப்பெரிய வித்தியாசத்தில் தோல்வியடைந்தது, அதாவது அவர்களின் NRR -4.2 ஆக உள்ளது. மறுபுறம், ஆப்கானிஸ்தான் தங்கள் இரண்டு போட்டிகளையும் மொத்தமாக 209 ரன்கள் வித்தியாசத்தில் வென்றது, இது அவர்களின் ரன் ரேட்டை 5.225 ஆக உயர்த்தியுள்ளது. வெஸ்ட் இண்டீஸ் மற்றும் ஆப்கானிஸ்தான் ஆகிய இரண்டு அணிகளும் யுகாண்டாவை 120 ரன்கள் வித்தியாசத்தில் தோற்கடித்துள்ளன. 

 நியூசிலாந்துக்கு முன்னால் பெரிய சவால் இருக்கின்றது. முதலாவது சவால் அவர்கள் புதன்கிழமை வெஸ்ட் இண்டீஸை வீழ்த்த வேண்டும்,தோற்றால் அவர்கள் வெளியே தான்.

 Group D

தென்னாப்பிரிக்காவிடம் வங்கதேசம் தோல்வி அடைந்தது இலங்கைக்கு நல்ல செய்தி, ஆனால் அதன் பலனை அடைய, இலங்கை தங்கள் மீதமுள்ள இரண்டு போட்டிகளையும் - நேபாளுக்கும் நெதர்லாந்துக்கும் எதிராக - வெல்ல வேண்டும் அல்லவா? நேபாள போட்டி மழையால் குழம்ப வாய்ப்பு உண்டு என தகவல்கள் சொல்கின்றன. மேலும் Bangladesh தங்கள் மீதமுள்ள இரண்டு போட்டிகளில் குறைந்தது ஒன்றையாவது தோல்வியடைய வேண்டும்.

 இலங்கை தனது கடைசி இரண்டு போட்டிகளில் மொத்தமாக 20 ரன்களில் வெற்றி பெற்றால், அவர்களின் NRR 0.074 ஆக உயரும், இது Bangladeshஇன் தற்போதைய 0.075 ஐ விட சற்று குறைவாக இருக்கும். Bangladesh தங்கள் இரண்டு மீதமுள்ள போட்டிகளில் ஒன்றை வென்றும் மற்றொன்றை இதே போன்ற வித்தியாசத்தில் தோல்வியடைந்தால், அவர்களின் NRR தற்போது இருக்கும் நிலையில் இருக்கும். இருப்பினும், அவர்களின் வெற்றி வித்தியாசம் தோல்வியை விட அதிகமாக இருந்தால், இலங்கையின் பணி கடினமாகிவிடும்.

 இந்த பிரிவில் இரண்டு போட்டிகளில் இருந்து இரண்டு புள்ளிகள் மற்றும் 0.024 என்ற NRR உடன் இருக்கும் திடீர் அதிர்ச்சிகள் கொடுக்கும் நெதர்லாந்தும் உள்ளது. அவர்களது அடுத்த போட்டிகள் Bangladesh மற்றும் இலங்கை யுடன் தான். அதில் ஒன்றில் வெற்றி பெற்றாலும் அவர்களும் இந்த super 8 போட்டியில் கலந்துகொண்டு விடுவார்கள். 

எனவே சுவாரஸ்யமான போட்டிகள் வர இருக்கின்றன. ஆனால் யதார்த்தமாக பார்த்தால் இந்தியா, அமெரிக்கா ,ஒஸ்ரேலியா, ஸ்காட்லாந்து, ஆப்கானிஸ்தான், வெஸ்ட் இண்டீஸ், தென்னாப்பிரிக்கா, பங்களாதேஷ் இந்த 8 அணிகளும் தான் வரப்போகின்றன.

Author:Senthoran AR THIRUCHCHENTHUOORAN