தமிழில் கிரிக்கெட் பதிவுகளை உடனே பெற்றுக்கொள்ள..

வியாழன், 29 மார்ச், 2018

கண்ணீர் விட்டழுது மன்னிப்புக் கோரிய ஸ்டீவ் ஸ்மித் !! - நெகிழ்ச்சியான ஊடகவியலாளர் சந்திப்பு - காணொளியுடன்

தென் ஆபிரிக்காவிலிருந்து அவுஸ்திரேலியா திரும்பிய பதவி நீங்கி, தடை செய்யப்பட ஸ்டீவ் ஸ்மித், சிட்னி விமானநிலையத்தில் ஊடகவியலாளர்களை சந்தித்திருந்தார்.

இந்த விவகாரத்தில் முதல் தடவையாக மௌனம் கலைத்த ஸ்மித் ஆரம்ப முதலே உணர்ச்சிவசப்பட்டவராகக் காணப்பட்டார்.
அனைத்துக் கிரிக்கெட் ரசிகரிடமும் குறிப்பாக அவுஸ்திரேலிய மக்களிடமும் பகிரங்க மன்னிப்புக் கோரிய ஸ்மித் தலைவராக அணியை சரியான முறையில் முன்மாதிரியாக வழிநடத்தாதது தனது குற்றமே என்றும் குறிப்பிட்டார்.

“நான் செய்த இந்த தவறுக்காக உலகளாவிய ரீதியில் உள்ள ரசிகர்கள் மற்றும் கிரிக்கெட்டை விரும்புவோர் என் மீது கோபத்துடன் இருக்கலாம். அவர்கள் அனைவரிடமும் நான் மன்னிப்பை கேட்டுக்கொள்கிறேன்.
இந்த தவறின் முழுப் பொறுப்பையும் நான் ஏற்றுக்கொள்கிறேன். இந்த சம்பவமானது எனது தலைமைத்துவத்துக்கு கிடைத்த மிகப்பெரும் தோல்வி. இது எனக்கு ஒரு நல்ல பாடத்தை கற்றுத்தந்துள்ளது. என்னால் இந்த விடயத்தை வாழ்நாளில் எப்போதுமே மறக்க முடியாது.
உலகின் மிகச் சிறந்த விளையாட்டு கிரிக்கெட். கிரிக்கெட் தான் எனது வாழ்க்கையாக இருந்தது. மீண்டும் இருக்கும் என்றும் நம்புகிறேன். என்னால் மீண்டு வரமுடியும் என நம்புகிறேன். நான் யாரையும் குறைகூற விரும்பவில்லை. நான்தான் அணித்தலைவர். அதனால் பொறுப்பை நான்தான் ஏற்க வேண்டும்” என கண்ணீர் வழிய குறிப்பிட்டார்.

இடை நடுவே தழுதழுத்த அவர் அருகே நின்றிருந்த தந்தையையும் நினைவுபடுத்தி " வாழ்க்கையில் சந்தேகத்துக்கு இடமான, சர்ச்சைக்குரிய செயல்களை செய்ய நினைக்கும்போதும் இதனால் பாதிக்கப்படுவோர் யார், உங்கள் உங்கள் பெற்றோருக்கு அவமானத்தை இதனால் தேடித் தரப்போகிறீர்கள் என்பதை மனதில் நிறுத்துங்கள்" என்று குறிப்பிடும்போதே மீண்டும் மனமுடைந்து அழ ஆரம்பித்தார்.


உலகின் முதல் நிலை துடுப்பாட்ட வீரராகவும், வெற்றிகரமான அணித்தலைவராகவும் இருக்கும் நிலையிலேயே ஒருவருடத் தடைக்கு ஆளாகியிருக்கும் நிலையில் கிரிக்கெட் ரசிகர்கள் இப்போது அவர்பால் அனுதாபம் தெரிவிக்க ஆரம்பித்திருப்பதும் குறிப்பிடக்கூடியது.


5 கருத்துகள்:

  1. Spot lets start on this write-up, I seriously believe this amazing site requirements much more consideration. I’ll more likely once again to read a great deal more, many thanks that info.
    Dylan Levy

    பதிலளிநீக்கு
  2. I’m not sure why but this web site is loading incredibly slow for me. Is anyone else having this issue or is it a problem on my end? I’ll check back later and see if the problem still exists.
    David

    பதிலளிநீக்கு
  3. There are many graph sites that exist. In view of this situation, Naomi has long-term social graph sites that verify and recommend graph sites that match the major sites on an objective basis. 그래프사이트

    பதிலளிநீக்கு

Related Posts Plugin for WordPress, Blogger...